مقارنة بين انواع السيلك ابيل

ازيكم يابنات🌷😙
ده البوست اللي طال انتظاره عن انواع السيلك ابيل وايه احسنهم 💞
عشان ماتحيريش نفسك انا حقولك ايه مواصفات كل نوع وحقولك رأيي في الاخر عن النوع اللي بفضله وطبعا عن تجربة 💟
مبدأيا البوست حيكون عن سيلك ابيل 7 &9، والانواع اللي اقدم مش حتكلم عنها، لان فعلا في فرق في كفاءة الملاقيط في 7 و 9 عن 5 واللي اقدم.

مبدأيا كدة الفرق الجوهري بين 7 و 9 هو عرض القطعة، طبعا واضح من الصورة ان 9 اعرض من 7 بالظبط بنسبة 40% ، وبصراحة العرض الزيادة اللي في 9 بيوفر الوقت والجهد، لان المساحة اللي بتتشال من الشعر بتكون اوسع.

من ناحية كفاءة الملاقيط، فالاتنين تقريبا واحد، يعني 9 مش فرقة كتير عن 7 في الكفاءة.

نبدأ ب 7:

لازم تعرفوا ان كل جيل من سيلك ابيل سواء 7 او 9 فيه انواع كتير من حيث القطع الزيادة اللي مع المكنة.

.دي مثلا بدون قطعة التقشير

دي بقى معاها قطة التقشير ، البنفسجي للجسم والبيضا للوجه.

القطعة دي المفروض لما بتدلكي بيها جسمك انها بتشيل الجلد الميت.

دي بقى بالنسبة ليا ال master piece

يعني اهم قطعة، دي للشيفينج.

وطبعا دي المنقذ لما تكوني مستعجلة ومافيش وقت تستخدمي الملاقيط.

(Shave)اهم حاجة لازم تعرفوا انك لو جبتي الزرار ناحية اليمين حتشتغل شيفينج وتنعم على الاخر، لكن لو جبتي ناحية الشمال 

(trim)حتعمل شيفينج بس من غير تنعيم.

نيجي بقى ل 9: 

دي اغلى واحدة في 9، معاها كل الكماليات، قطعة الشيفينج  فرشة التقشير البنفسجي للجسم، واللبني للمنطقة الحساسة

.دي 9 برضه بس معاها فرشة تقشير واحدة للوجه

دي معاها فرشة تقشير واحدة للجسم.

طبعا تقدري تغسليها عادي تحت الماية.(سواء 7 او 9).

دي افضل طريقة للشيفينج، بالماية والشامبوو، بس طبعا تقدري تستخدميها ع الناشف برضه.

دي نفس قطعة الشيفينج اللي في 7 بس بدل كلمة shave  قفل مفتوح

وبدل كلمة trim قفل مقفول ).

الخلاصة عشان ماتوهوش

هاتي اللي يعجبك وعلى حسب امكانياتك، بس لو مش عايزة تدفعي كتير تقدري تجيبي النوع اللي مافهوش فرشة التقشير، هي كويسة بس مش رهيبة يعني.

اوعي تجيبي نوع مايكونش فيه راس للشيفينج.

في انواع معاها قطعة شيفينج لوحدها بتشتغل بالبطارية عشان ترسمي بيها الحواجب( سيبك منها تماما)

طبعا سواء 7 او 9 الاتنين بيتشحنوا وتقدري تستخدميهم على الناشق او تحت الماية.

بالنسبة لرأيي انا افضل 9 لانها زي ماقولتلكم اعرض وبتنجز جدا عن 7.

اتمنى تكون الامور وضحت معاكم وتكونوا استفادتم مني 😘

ماتنسوش تضيفوا كل اصحابكم البنات للجروب عشان يقدروا يتابعوني ويستفادوا زيكم 😘

د.سالي فتحي، اخصائية الطب النفسي وعلاج الادمان.
جروب الفيس بوك 
Beauty secrets with dr. Sally Fathy

لينك الجروب:

https://m.facebook.com/groups/1743509399258731?ref=m_notif&notif_t=like

بيدج الفيس بوك تحمل نفس اسم الجروب

لينك البيدج :

https://m.facebook.com/sallyfathyfahmy/?ref=m_notif&notif_t=like

تابعوني على قناتي على اليوتيوب

Sally with love channel

 :تابعوني على انستجرام 

@sallysonson