بناءا على رغبة الجماهير البوست الاول حيكون عن الشعر
عشان نبقى متفقين من الاول اي حاجة حقولها لازم حكون جربتها الاول على نفسي لاني بكره الفتي والفتايين واللي ماعرفهوش حقول بكل بساطة ماعرفش
ححوط صور الحاجات اللي اتكلمت عنها في اخر البوست بالترتيب.
1.لازم يكون عندك shower cap عشان تلبيسيه كل ماتاخدي شاور عشان ماتبليش شعرك.
2. بلاش غسيل الشعر الكتير لان ده بيساعد على التساقط، انا عن نفسي بغسل بالشامبوو مرتين في الاسبوع في الصيف ومرة في الاسبوع في الشتا ولو اضطريتي تغسليه اكتر من كدة بسبب الاغتسال مثلا اغسيليه بماية بس من غير شامبوو.
3. ياريت الشامبو اللي تستخدميه يكون للشعر التالف لان كلنا شعرنا بايظ.
4. بلاش الشامبو يكون مع البلسم في نفس العبوة، لازم ده لوحده وده لوحده.
5. البلسم ممنوع يتحط على فروة الراس، يتحط بس على الشعر بعيد عن راسك خالص عشان بيوقع الشعر لو جبتيه على الفروة.
6. النقطة دي ماتستهونوش بيها، ماينفعش تغسلي شعرك من غير ماتكوني عاملة حمام زيت، انا بعمل الليلة اللي قبله وبغسله الصبح، عاملة خلطة زيوت مع بعض، انا مش فاكرة كل الزيوت اللي خلتطها اللي لاقيته في وشي جبته بس اهمها لازم يكون فيها زيت جرجير، لوز حلو، زتون، خروع، سمسم، حية، مع زيت املا وزيت الصبار بتاع جونسون وجوز الهند بتاع بالمرز. وماتغطيش شعرك لو حتنامي بيه، ولما تغسيليه تغسلي مرتين بس بالشامبوو عشان ماتشيليش كل الزيوت اللي استفاد بيها، تغسلي مرة على فروة الراس وتدلكي بطرف صوابعك ومرة باقي الشعر، وبالراحة بلاش تتعاركو معاه
7. بعد غسيل الشعر حطي بديل الزيت ، مش كتير، و لازم تنشفيه بالسشوار بحرارة هادية، ماتسيبيهوش ينشف لوحده.
8. قبل ماتعملي سشوار او hair straightner لازم تدهني واقي للحرارة عشان الشعر مايبوزش، انا بستخدم chi تخدي كمية بسيطة وتفركيها كويس في ايدك وتدلكي بيها الشعر.
9. خلي استخدامك في الفرد على قد ماتقدري يكون اكتر للسشوار عن ال hair straightner ، يعني اخف الاضرار .
10. بعد السشوار بدهن جوز الهند بتاع بالمرز نفس اللي بستخدمه في حمام الزيت ، كمية بسيطة جدا، وعلى فكرة انا كل يوم بدهنه لان شعري بيحتاجه، هو حلو جدا ومش بيزيت، المهم كمية بسيطة جدا.
11. بلاش تلمي شعرك بتوكة جامد، انا عن نفسي في البيت بضفره لان دي اكتر حاجة بتخلي الشعر مش مشدود وبحوط توكة في اخر الضفيرة من تحت. طبعا لو انتي فارداه بالسشوار الضفيرة حتكسره، بس عادي بمشي السشوار بسرعة قبل مانزل وبيتظبط.
12. لو انتي مش محجبة حاولي تقللي استخدام السشوار على قد ماتقدري، يعني مش لازم كل يوم تسيبيه، ممكن تستغلي الجو الحر ده في انك تلميه بشكل لطيف وسشوري الجزء الامامي وخلاص.
13. بالنسبة للمحجبات، الحجاب لازم يكون قطن 100% لان غير كدة اي خامة تانية بتوقع الشعر، واوعي تحطي حجاب وشعرك مبلول، نشفيه الاول.
كل دي حاجات اي واحدة لازم تعملها ايا كان سبب التساقط ايه، نيجي بقى للعلاج.
العلاج ده مش لحالات الصلع الوراثي، الحالات دي ليها سكة تانية خالص وده مش تخصصي.
1. لو عندك توتر وقلق لازم يتعالج لان ده سبب رئيسي لسقوط الشعر، روحي لدكتور نفسي وماتتكسفيش، بجد العلاج بيفرق، وده تخصصي بقى بس طبعا انا مش حقدر اعالج الجروب كله نفسيا روحي لدكتور وخودي مضاد للتوتر.
2. كامينوموتو hair growth accelerator دهان لفروة الراس مرتين في اليوم(حوالي 2 ملي كدة) لمدة 3 شهور. بجد حلو وبيجيب نتايج جميلة وبيطول الشعر كمان.
3. برفكتيل perfictil كبسولة واحدة يوميا لمدة 3 شهور.
4. لو عندك انيميا لازم تعالجيها لانها بتسبب تساقط برضه.
ان شاء الله الخطوات دي حتفرق معاكم جدا
نسيت اضيف حاجة مهمة اني مش بعمل بروتين ولا كيراتين، لان شعري اتدمر من كريمات الفرد واخدت عهد على نفسي اني مستحيل اعمل اي فرد ايا كان ايه، وده رأي شخصي.
د.سالي فتحي ، اخصائية الطب النفسي وعلاج الادمان.
جروب الفيس بوك :
Beauty secrets with dr. Sally Fathy
https://m.facebook.com/groups/1743509399258731?ref=m_notif¬if_t=like
كمينوموتو يتفع الرجال ولا لا
ReplyDeleteينفع طبعا
Deleteينفع طبعا
Deleteعاوزين انواع الشامبو الكويسة يا سالي
ReplyDeleteحاضر
Deleteحاضر
Deleteعاوزين انواع الشامبو الكويسة يا سالي
ReplyDeleteأنا بقالي أسبوع ماشية عالنظام بالظبط... بس عندي مشكلة شعري مازال بينزل كتير قوي و خايفة من الموضوع ده قوي... أعمل أيه تاني؟
ReplyDeleteبدأتي كامينوموتو ولا لسة؟
Deleteأنا بقالي أسبوع ماشية عالنظام بالظبط... بس عندي مشكلة شعري مازال بينزل كتير قوي و خايفة من الموضوع ده قوي... أعمل أيه تاني؟
ReplyDeleteبدأت والله كل حاجة أعمل أيه كمان؟مش عارفة هي دي مشكلة مع الصيف ولا أنا ناقصني حاجة تانية؟
ReplyDeleteبدأت والله كل حاجة أعمل أيه كمان؟مش عارفة هي دي مشكلة مع الصيف ولا أنا ناقصني حاجة تانية؟
ReplyDelete