اسباب الهالات السوداء

اهلا حبيباتى :
النهاردة حنتكلم عن مشكلة الهالات السوداء ؛ اسبابها وعلاجها
انا حناقش الموضوع على جزئين
الجزء الاول عن الاسباب والتانى عن العلاج     
ايه الاسباب يا ترى ؟؟؟                        
تعرفى ان جلد الجفون اللى بيكون المنطقة حوالين العين ده ارق جلد فى جسمنا كله وسمكه اقل من 0.5 mm
1. عوامل وراثية وفى الحالة دى حتلاقى مامتك واخواتك نفس المشكله عندهم وبتكون عندك من صغرك .  🙇🙇
2.قلة النوم والاجهاد وعشان كده بتظهر عندنا الهالات فترات الامتحانات. مش بس كده تعرفوا ان كتر النوم برده بيعمل هالات ؟؟؟ دى حقيقة                               
3. الانيميا ودى من اشهر الاسباب عشان كده مهم نعمل نسبة هيموجلوبين
4. كترة شرب المنبهات زى القهوة والنسكافيه والسجاير والمخدرااات😱😱
5. حساسية العين والهرش المستمر حوالين العين 😨
6. الضغط النفسى والاكتئاب من اهم اسباب الهالات😔😔
7. الالتهاب المزمن فى الجيوب الانفية و فى النوع ده من الناس الهالات بتزيد مع ادوار البرد والحساسية
8. كثرة التعرض للشمس بدون وضع واقى شمس او لبس نضارة شمس ...    😎😎                
هو واقى الشمس المفروض يتدهن حوالين العين كمان ؟؟؟؟ طبعا                                   
9.  التقدم فى السن بيقلل سمك الجلد حول العين اكتر واكتر نتيجة نقص الكولاجين وبالتالى دة بيعكس لون الاوعية الدموية تحت الجلد اكتر وبيظهر على هيئة هالات
10. ركزوا معايه فى السبب ده
Tear trough
ايه ده ؟؟؟
بعض الحالات بيكون ظهور الهالات مش بسبب اسمرار حقيقى فى الجلد حوالين العين ولكن ده بيكون shadow نتيجة  دخول المنطقة تحت العين لجوه فبتظهر غامقة ...خليكوا فاكرين السبب ده عشان علاجه مختلف شوية
استنونى فى بوست العلاج ان شاء الله 🙋

دكتورة: السيدة طه،، مدرس مساعد امراض الجلدية والتناسلية والتجميل ، جامعة الاسكندرية

جروب الفيس بوك :

 Beauty secrets with dr. Sally Fathy

https://m.facebook.com/groups/1743509399258731?ref=m_notif&notif_t=like