علاج الهالات السوداء

نيجى لبوست العلاج              
مبدئيا كده انا ليه وجعت دماغكم بالاسباب ؟؟
عشان هيا دى اول خطوة فى العلاج يعنى عندك انيميا او جيوب انفيه او.......لازم نعالج السبب ﻷن زى ما اتفقنا اللون الاسمر ده ما هو الا انعكاس للى تحته من احتقان ف الاوعية الدموية يبقى العلاج لازم يبدأ من جوه  :
1. اولا شرب ما لايقل عن 8 كوبايات ماية يوميا ...اى شاى او عصير بتشربيه مش محسوب ..لازم ماية
2. لازم نومك يكون متواصل يعنى ما ينفعش انام 4 ساعات بالليل وزيهم بالنهار واقول انا كده خدت ال 8 ساعات بتوعى ...."وجعلنا الليل سباتا"
3.ممنوع منعا باتا دعك المنطقة تحت العين حتى وانتى بتدهنى العلاج اللى حنقوله او concealer لازم يتدهن طبطبة مش دعك .
4.لو الهالات عندك وراثية لازم تتقبلى انها مش حتروح نهائيا بالعلاج ...دى حقيقة للاسف
5.لازم تلبسى نضارة شمس وتكون نوعها كويس يعنى بتحمى فعلا من الشمس مش مجرد منظر
6. واقى الشمس زى ما بنحطه على وشنا لازم نحطه تحت العين
طيب اى واقى شمس ؟؟؟ ﻷ يفضل انواع للبشرة الحساسة زى
Sunsense sensitive
Avene mineral
7.دايما مشكلة الهالات بتكون معاها انتفاخات او تجاعيد      خفيفة تحت العين عشان كده معظم العلاجات بتشتغل على ال 3 حاجات دول
دى امثلة لبعض الكريمات وزى ما اتفقنا دى مش دعاية لاى نوع ولكن انواع كويسة من واقع التجربة
Rexol eye firming complex
Orange daily eye contour
Iso fill eye cream , isolift eye cream
Medik 8 eye contour cream
طيب استخدامهم ازاى ؟
زى ما اتفقنا بندهن طبطبة مش دعك
8. اكيد سمعتم عن carboxytherapy او العلاج بغاز ثانى اوكسيد الكربون ..ده يعتبر من الحاجات اللى ظهرت مؤخرا لعلاج الهالات عن طريق حقن غاز ثانى اوكسيد الكربون حول العين ...يقال انه بيحسن الهالات بس انا معنديش خبرة شخصية فيه .
9.نيجى لموضوع ال tear trough
زى ما قولتا فى بوست الاسباب ان ده من اهم اسباب الهالات السودا وبيكون سببه ان فى تجويف تحت العين بيغمق المنطقة دى وبمجرد ما تشدى الجلد بإيدك تلاقيه افتح .
الحل هنا بيكون حقن filler اللى هيا الحقن المالئة ودى بنحتاج نكررها كل 6 ل9 شهور وتأثيرها بيكون حلو فعلا
10. اكيد سمعنا عن platelet rich plasma
و دى عبارة عن عينة دم  بتتاخد منك وبنفصلها بطريقة معينة ونرجع نحقن جزء معين منها .ليها استخدامات كتير منها الهالات السودا ونضارة البشرة وسقوط الشعر
11. طيب كلنا بنسمع عن الخيار والشاى و زيت اللوز لعلاج الهالات ...هل دى حاجات مفيده فعلا
فى الحقيقة هيا بتفيد بس ما ينفعش تكون علاج لوحدها لازم مع العلاجات اللى اتكلمنا عنها
وده link بيجمع كل الحاجات الطبيعية اللى ممكن تفيد فى علاج الهالات .                        
http://www.myhealthtips.in/2013/09/how-to-get-rid-of-dark-circles-fast.html
اتمنى الكلام يكون مفيد وينفعكم .
دكتورة : السيدة طه، مدرس مساعد امراض الجلدية والتناسلية والتجميل، جامعة الاسكندرية

جروب الفيس بوك :

 Beauty secrets with dr. Sally Fathy

https://m.facebook.com/groups/1743509399258731?ref=m_notif&notif_t=like