العناية بالحواجب

بوست العناية بالحواجب يابنات💟💟

1.في الاول عايزة اعرفكم شوية ثوابت عشان نمشي عليها :

*مهما تحطي في ميك اب وتظبطيه، لو حواجبك بايظة شكلك كله حيبقى بايظ،لان فعلا الحواجب هي مفتاح الوش وهي اللي بتظهر جمال عنيكي، ده طبعا لو عملتيهم صح 👍

*.موضة الحواجب الرفيعة انتهت من العالم خلاص 😀 ومش معنى كدة انك تخليهم تخان بزيادة، عشان للأسف بنات كتير بتعمل كدة وبيبقى المنظر مش طبيعي وصعب اوي ، زي مانا موضحة في اول صورة 🌷

*.كل ماحتبقى طبيعية في شكل حواحبك كل ماحتبقي احلى وارق.

*.لو حواحبك رفيعة بطبيعتها تخنيها شوية، لان الحواجب الرفيعة بتدي البنت شكل سن كبير عن سنها الطبيعي، زي مانا موضحة في تاني صورة 💟

*.ممنوع منعا باتا تملي حواجبك بلون اغمق منها او زيها حتى، لازم الدرجة الافتح من لون الحاجب، عشان شكلك يبقى طبيعي. 😙

2.ازاي تحافظي على حواجبك وتتقليها:

*.كل يوم بالليل تدهنيها زيت خروع، (طبعا بعد ماتكوني غسلتي وشك وعملتي روتين البشرة بتاع بالليل ). زيت الخروع فعلا بيتقلها وفي خلال اسبوعين حتلاقي فرق كبير.💞

3. ازاي ترسمي حواجبك الاتنين قد بعض :

*.طبعا كل البنات بتعاني ان مستحيل تظبط الحاجبين قد بعض بالظبط، حتى لو عملتيهم عند كوافير مش بيتظبطوا برضه 😢...

*.بالطريقة بتاعتي دي الاتنين حيكونوا نسخة من بعض، ركزي معايا:

قبل ماتنضفيهم ترسمي بقلم على حدود حواجبك من برة، وطبعا تظبطي نفس الرسمة للجانبين، وتشيلي الشعر اللي برة الخط بس،، زي مانا موضحة في الصورة التالتة،، وبعدين تمسحي الخط وتملي الفراغات بأي شادوا، حتلاقيهم تيبيكال زي بعض.👍👍👍

4.بعد تنضيف الحواحب:

*.الخطوة دي مهمة اوي عشان هي اللي بتظهر جمال الحاجب،، لازم بعد ماتنضفيهم كويس تشقري حواليهم، لان المكان ده بيبقى فيه شعر صغير اوي ومستحيل تعرفي تشيليه بأي حاجة،، التشقير تعمليه تاني يوم مش في نفس اليوم اللي نضفتيهم فيه 🌷 .. اول ماتشقري حواليهم مش حتصدقي النور اللي طالع منهم 😙

*بعد ماتملي حواجبك بالاي شادو زي ماتفقنا في بوست الميك اب،، تحطي خط كونسيلر فوق وتحت الحاجب بالظبط وتوزعيه،، الخطوة دي مهمة وبتنور الحواجب اوي.💞

*.اخر صورة دي لواحدة قبل وبعد مارسمت حواجبها، شوفوا مستخدمة لون فاتح درجة ومش متخناهم اوي ولا مرفعاهم،😙😙

*اخر صورة انا بفكركم بال pinned post اللي عليه كل لينكات البوستات اللي اتعملت من اول يوم في الجروب 😙😙😙

يارب يكون البوست عجبكم، لو عجبك لو سمحتي دوسي لايك للبوست وضيفي كل اصحابك البنات للجروب واعملوا منشن لصاحباتكم اللي في الجروب ومش متابعينه،،عشان اقدر اكمل معاكم ، وزي ماوعدتكم لسة عندي كتييير😘😘😘

**د.سالي فتحي ، اخصائية الطب النفسي وعلاج الادمان.

جروب الفيس بوك :

 Beauty secrets with dr. Sally Fathy

https://m.facebook.com/groups/1743509399258731?ref=m_notif&notif_t=like